Hooftema: Hoe lees ek my Bybel?
Tema 2: Waaroor gaan die Bybel?
“So sal God alles wees vir alles.” (1 Korintiërs 15:28c)
Op ‘n dag vra die professor vir ons in die klas wat is die heel laaste versie in die Bybel, bedoelende watter versie beskrywe die beste waarheen alles in hierdie wêreld oppad is. Onnodig om te sê dat ons almal verkeerd geraai het. Volgens hom is alles oppad na dit wat Paulus hierbo in Korintiërs sê: “God sal alles vir almal wees.”
Nou kan julle vra, maar wat het dit nou met die inhoud van die Bybel te doen. Dan antwoord ek eenvoudig: ALLES! Alles in die Bybel, nou ja, amper alles (die menslike sondige deel uitgesluit) in die Bybel het met God te doen. Hy is die Hoofouteur, die Hooftema, die Hoofkarakter, die Hoofboodskap, die Hoofinhoud ... God, die Hoofalles!!!
Kom ek verduidelik eenvoudig: Hy is die Begin van alles (skepping); Hy is die Redding van almal (Noag, uittog, konings, Messias, Jesus); Hy is die Vergewer van almal (kruis); Hy is die Lewe vir almal wat glo in Hom (opstanding); Hy is die Heiligmaker (Heilige Gees); Hy is die verlede, hede en toekoms ... Hoe weet ons dit alles? Ons lees dit in die Bybel.
Maar net so belangrik, is dit wat NIE in die Bybel geskrywe is NIE: die wetenskaplike verklaring van hoe alles begin het; waarom die mens kies om sonde te doen; hoekom almal nie gered word nie; ‘n presiese omskrywing van God; ‘n fisiese beskrywing van die lewe na die dood; ... en nog baie ander moeilike vrae word nie in die Bybel geantwoord nie.
Wat behoort ek dan “raak te lees” in die Bybel? Wie God in die lewe van die mense in die Bybel is. Hoe Hy genadiglik optree teenoor die ongehoorsames oor al die eeue. Hoe Hy in die lewe van Jesus op aarde kom sigbaar wys het, hoe Hy die graagste teenoor mense optree. Hoe Hy eerder ons wil vry maak as wat Hy ons wil belas met onuitvoerbare wette. Hoe Hy ons lewe wil vul met vrede, vreugde en oorvloed deur sy Gees in ons. En nog baie meer.
As hierdie “inhoude van die Bybel” nie vir jou rede gee om meer gereeld en meer intensief Bybel te lees nie, is jy besig om “geestelik arm” te lewe. Bybellees behoort nie vir jou moeite te wees nie, dit is nie bedoel om soos opoffering te voel nie. Bybellees verryk jou Jesus-mens-wees op ‘n ontspanne en spontane manier.
Lekker lees oor ... (toemaar, met die regte ingesteldheid, sal jy weet).
Doom Charl
Thursday, October 10, 2013
Thursday, October 3, 2013
Oordenking 6 Oktober 2013
Kortreeks: Hoe lees ek my Bybel?
Tema 1: Hoekom so baie vertalings?
“Die hele Skrif is deur God geïnspireer ...” (2 Timotues 3:16a)
Kom ons kyk baie kortliks waar kom die Bybel vandaan: Die Bybel is deur gewone mense soos ek en jy geskrywe. Eintlik aanvanklik vir baie jare slegs mondelings deur gewone mense van een geslag aan ‘n volgende geslag oorvertel. Na ‘n baie ingewikkelde proses van opskrifstelling, eers die Ou Testament in Hebreeus en Aramees en Nuwe Testament in Grieks, is net so ‘n moeilike proses van sifting gevolg. Met die sogenaamde kanonisering is oor baie jare bepaal watter geskrifte is in en watter is uit. Daarmee was daar ook nie volledige eenstemmigheid nie, soveel so dat daar steeds ‘n byvoegsel van Apokriewe boeke by die Bybel is. Maar hier is die sleutel: hierdie uitgerekte en ingewikkelde proses wat oor baie jare deur ‘n groot getal gewone mense gevolg is, was onder leiding van dieselfde Heilige Gees wat ons nog vandag help om die Bybel te kan verstaan.
Nou vir die vraag oor die baie vertalings: Vir baie mense is dit ‘n groot ontnugtering om te hoor dat ons vir baie baie lank nie meer die oorspronklike brief het wat Paulus vir die gemeente in Rome geskrywe (gedikteer) het nie. Ons het verskeie handgeskrewe afskrifte wat van mekaar verskil en deur die wetenskape tegniek van skrifkritiek, word die beste weergawe van die oorspronklike bepaal (hierdie beginsel geld vir die hele Bybel). ‘n Eenvoudige voorbeeld is dat een afskrif lees “Jesus Christus”, ‘n ander afskrif “Christus Jesus” en ‘n derde afskrif lees “Here Jesus Christus”. Watter een was die oorspronklike? Ons weet in baie gevalle nie, in hierdie geval maak dit nie ‘n groot verskil aan die betekenis nie. Vir meer ingewikkelde gevalle, raak dit ongelukkig die betekenis.
Dan is daar die baie moeilike wetenskap van vertaling vanaf een taal na ‘n ander taal. Hier is die semantiek (die leer van die betekenis van taaluitinge) ‘n voortgaande proses waarin nuwe ontdekkings gemaak word ten opsigte van die “oorspronklike” betekenis van ‘n woord of kombinasie van woorde. So kan die woord “μονογενής” in Johannes 3:16 vertaal word met “enigste”, “unieke”, of “enig in sy soort”. En juis hierin word baie navorsing deur taalkundiges gedoen om die heel beste vertaling vir ons te gee.
Saamgevat: die Gees van God het oorspronklik die vertellers en skrywers gelei, en gedurende die proses van samestelling het dieselfde Gees voortgegaan om te bly werk, en tot vandag toe word die Skrif deur God geïnspireer, ook in ons elkeen se lees van die Bybel.
Doom Charl
Tema 1: Hoekom so baie vertalings?
“Die hele Skrif is deur God geïnspireer ...” (2 Timotues 3:16a)
Kom ons kyk baie kortliks waar kom die Bybel vandaan: Die Bybel is deur gewone mense soos ek en jy geskrywe. Eintlik aanvanklik vir baie jare slegs mondelings deur gewone mense van een geslag aan ‘n volgende geslag oorvertel. Na ‘n baie ingewikkelde proses van opskrifstelling, eers die Ou Testament in Hebreeus en Aramees en Nuwe Testament in Grieks, is net so ‘n moeilike proses van sifting gevolg. Met die sogenaamde kanonisering is oor baie jare bepaal watter geskrifte is in en watter is uit. Daarmee was daar ook nie volledige eenstemmigheid nie, soveel so dat daar steeds ‘n byvoegsel van Apokriewe boeke by die Bybel is. Maar hier is die sleutel: hierdie uitgerekte en ingewikkelde proses wat oor baie jare deur ‘n groot getal gewone mense gevolg is, was onder leiding van dieselfde Heilige Gees wat ons nog vandag help om die Bybel te kan verstaan.
Nou vir die vraag oor die baie vertalings: Vir baie mense is dit ‘n groot ontnugtering om te hoor dat ons vir baie baie lank nie meer die oorspronklike brief het wat Paulus vir die gemeente in Rome geskrywe (gedikteer) het nie. Ons het verskeie handgeskrewe afskrifte wat van mekaar verskil en deur die wetenskape tegniek van skrifkritiek, word die beste weergawe van die oorspronklike bepaal (hierdie beginsel geld vir die hele Bybel). ‘n Eenvoudige voorbeeld is dat een afskrif lees “Jesus Christus”, ‘n ander afskrif “Christus Jesus” en ‘n derde afskrif lees “Here Jesus Christus”. Watter een was die oorspronklike? Ons weet in baie gevalle nie, in hierdie geval maak dit nie ‘n groot verskil aan die betekenis nie. Vir meer ingewikkelde gevalle, raak dit ongelukkig die betekenis.
Dan is daar die baie moeilike wetenskap van vertaling vanaf een taal na ‘n ander taal. Hier is die semantiek (die leer van die betekenis van taaluitinge) ‘n voortgaande proses waarin nuwe ontdekkings gemaak word ten opsigte van die “oorspronklike” betekenis van ‘n woord of kombinasie van woorde. So kan die woord “μονογενής” in Johannes 3:16 vertaal word met “enigste”, “unieke”, of “enig in sy soort”. En juis hierin word baie navorsing deur taalkundiges gedoen om die heel beste vertaling vir ons te gee.
Saamgevat: die Gees van God het oorspronklik die vertellers en skrywers gelei, en gedurende die proses van samestelling het dieselfde Gees voortgegaan om te bly werk, en tot vandag toe word die Skrif deur God geïnspireer, ook in ons elkeen se lees van die Bybel.
Doom Charl
Wednesday, September 18, 2013
Oordenking 22 September 2013
Hoop in
‘n tyd van wanhoop
“Wees
altyd gereed om ‘n antwoord te gee aan elkeen wat van julle ‘n verduideliking
eis oor die hoop wat in julle lewe.” (1 Petrus 3:15b)
Het jy dalk ‘n storie van hoop om in ‘n
wanhopige tyd vir ander te vertel?
Daar is eintlik net twee groepe mense vandag,
diegene wat hoop en die ander wat hoop verloor het. En dit is juis die
wanhopiges wat gedurig negatief en pessimisties is. Volgens hulle loop alles op
die oomblik verkeerd en gaan alles agteruit en lyk die toekoms donker. Baie gou
neem die hoop-verloorders die geselskap oor met hulle verdoemende praatjies en
net so gou praat almal saam in ‘n koor. Selfs die positiewes voel dat die
geskiedenis verkeerd verloop. Ons ontdek ‘n teenstrydigheid: die innerlike mens
wat vrede het by God teenoor die uiterlike omstandighede wat daagliks ons vrede
steel.
Maar vir Jesus-mense en eintlik net vir
Jesus-mense, is daar altyd hoop. En dit ten spyte van probleme wat hulle lewe
baie moeilik maak, ten spyte van onredelike en onverdiende swaarkry, ten spyte
daarvan dat hulle sleg behandel word en sleg gesê word, ten spyte daarvan dat
hulle onskuldig skuldig bevind word, ten spyte van wat ookal ... Jesus-mense bly hoop om die regte redes.
Want Jesus-mense se hoop is ...
·
Om in die sagte liefde van God rus
te vind;
·
In Christus te lewe wat gesterf en
opgestaan het;
·
Om vergifnis uit te deel omdat ek
reeds vergewe is;
·
Die Gees in jou wat begrip gee in
die lewe;
·
Om aan ander hoop te gee omdat jy in
die Hoop lewe;
·
Baie meer as om net vir hemel
gereed te wees en ‘n pynlose toekoms te verwag;
·
Om soms net te wees ...
Prakties beteken hoop ...
1.
Soek en vind hoop in Hom (God is
hoop);
2.
Gebruik tye/tydjies van stilte en
afsondering om te ontvlug uit omstandighede van wanhoop (jy kan jou hoop kies);
en
3.
Fokus op ander wat sonder hoop is
en doen iets opbouend vir hulle (ander het ook hoop bitter nodig).
Hoe klink jou storie van hoop?
Doom Charl (082 469 2499)
Wednesday, September 11, 2013
Oordenking 15 September 2013
Hooftema: Jesus sê wat?
Sleutel 9: Die sleutel tot egte godsdiens
“Span al julle kragte saam om by die smal deur in te gaan.” (Lukas 13:24)
Egte godsdiens? Is daar so iets? Is dit nie juis die probleem nie? Godsdiens het soveel valsheid in die kerk ingedra. Daar is so baie goeie kerkmense wat erg godsdienstig is, maar dit sonder die Lewe, sonder die lewende Jesus!
Kom ons praat dan eerder van egte Jesus-mense, mense soos ek en jy wat die Sleutel van die lewe hét, wat op die smal pad by die smal deur ingaan, vir wie die hemel reeds wawyd oopstaan, wie se leefwyse deur die Gees van God bepaal word ...
Mý opinie: valse godsdiens het tot binne-in die kerk gekom deur die klem op gehoorsaamheid en my eie verantwoordelikheid om goed te lewe. Die gevolg is ‘n wavrag skuldgevoelens wat getroue kerkmense met hulle saam dra. My eie gesukkel om self rein te kan lewe en vry van enige wêreldsgesindhede te wees, het my laat ontdek dat die antwoord vir ‘n vrygemaakte lewe iewers anders is. Die kerk met sy valse leraars het dit so in ons koppe ingeprent dat ons nie “heilig” genoeg lewe nie, dat ons net nie vry kom van ons alewige “ek”-pogings nie.
Hoe kan ek weet dat ek ‘n egte Jesus-mens is? Eers moet ek baie goed besef dat ek nie self kan verander nie. Net God maak my deur sy Gees sy eie kind. Dit voel meer gereeld vir my dat hoe harder ek self probeer om ‘n oulike kind van Hom te wees, hoe meer stel ek teleur – is ek oor myself teleurgesteld. Ek dink nie dat Hy so baie in óns teleurgesteld is nie, óns is dan sy handewerk en sy liefdeswerk en sy vernuwingswerk en sy beeld-draende-lofrede! Hy verstaan ons gesukkel met onsself 100% en help 100% met die 100% oplossing: Jesus! Ja, selfs Jesus ín my!
Ek bly by my standpunt: ek gee (gedurig, aanmekaar, elke dag, elke sekonde) oor ... aan Hom, ek gee my pogings en probeerslae oor aan Jesus in my. En soos wat Hy in my is, wil en kan en is Hy besig in sý egte Jesus-mens/-kind. Ek is en bly 100% afhanklik van Jesus ... nét Hý het die sleutels van die Lewe in sy hand. Sý prys vir my lewe is só GROOT dat géén poging of probeerslag van my vermelding werd is nie.
Jesus is die EGTE EEN ín my – dít is egte Jesus-mens!
Doom Charl
Wednesday, August 21, 2013
Oordenking 25 Augustus 2013
Hooftema: Jesus sê wat?
Sleutel 6: Die sleutel tot liefde vir jou vyand
“Nee, sonder om iets terug te verwag, moet julle julle vyande liefhê ...” (Lukas 6: 35a)
Ons grootste uitdaging om soos Jesus-mense te lewe, is wanneer ons sleg behandel word. Daar is soveel haat in ons alledaagse lewe, dat dit so maklik is om saam met die stroom ook maar net links en regs te haat.
Ons haat die gemors wat op soveel terreine na vore kom, en ons haat veral die mense wat verantwoordelik is vir die gemors. Ons haat dit om al ewig agter ons alles te moet toesluit vir ons eie veiligheid, maar ons haat eintlik die boosdoeners wat om elke hoek en draai vir ons loer. Ons haat die onveilige paaie, maar eintlik verpes ons die onverskillige bestuurders op ons paaie. Ons haat dit om te sien hoe baie goed verval wat óns opbou, maar dis veral die onbekwame mense wat die agteruitgang toelaat, vir wie ons woedend is. Haat is naby elkeen van ons: as ek dalk valslik beweer ek haat nie, dan is daar ander wat my haat, wetend en onwetend.
God se Gees in elke Jesus-mens wil, kan en is besig om alle haat in ons in God-liefde te omskep. Hy wat God is spesialiseer en blink uit in liefde. Hy ís liefde (1 Johannes 4:8). Hy haat wel die sonde en is regverdig en straf sonde. Maar Jesus-mense se sonde is reeds klaar gestraf, klaar, afgehandel, “finito”, einde daarvan. Hoe so? Eenvoudig: Jesus, en spesifiek Jesus sterf aan die kruis as straf vir alle Jesus-mense se volledige pakkie (eintlik groot pak) sonde. Dít is liefde, dít is haat wat verander in liefde, dít is die heel enigste manier hoe óns haat in liefde sal verander:
SLEGS in die ontdekking, besef, begryp, verstaan, snap, bewus raak ... en gepaardgaande glo, glo dat God my sonde haat, glo dat God my sonde reeds gestraf het toe Jesus vir my aan die kruis gesterf het, glo dat ek reeds vergewe is, glo dat ek nie meer in haat sal, wil, kan lewe nie!
Dan eers, dan eers kyk ek met ander oë na my vyande, dan eers ontwikkel ek ‘n totaal ander houding teenoor diegene wat sleg is en slegte goed ook aan my doen. God het my onvoorwaardelik lief, sodat ek ook ander onvoorwaardelik lief kan hê, ten spyte van wat hulle ookal ... God haat steeds die sonde, waarvan haat die kern is, en Hy sál steeds die sonde/haat straf van hulle wat nie Jesus-mense is nie. Los die vergelding en wraak vir Hom ...
... wees lief vir alle mense, want ek en jy is Jesus-mense!
Doom Charl
Sleutel 6: Die sleutel tot liefde vir jou vyand
“Nee, sonder om iets terug te verwag, moet julle julle vyande liefhê ...” (Lukas 6: 35a)
Ons grootste uitdaging om soos Jesus-mense te lewe, is wanneer ons sleg behandel word. Daar is soveel haat in ons alledaagse lewe, dat dit so maklik is om saam met die stroom ook maar net links en regs te haat.
Ons haat die gemors wat op soveel terreine na vore kom, en ons haat veral die mense wat verantwoordelik is vir die gemors. Ons haat dit om al ewig agter ons alles te moet toesluit vir ons eie veiligheid, maar ons haat eintlik die boosdoeners wat om elke hoek en draai vir ons loer. Ons haat die onveilige paaie, maar eintlik verpes ons die onverskillige bestuurders op ons paaie. Ons haat dit om te sien hoe baie goed verval wat óns opbou, maar dis veral die onbekwame mense wat die agteruitgang toelaat, vir wie ons woedend is. Haat is naby elkeen van ons: as ek dalk valslik beweer ek haat nie, dan is daar ander wat my haat, wetend en onwetend.
God se Gees in elke Jesus-mens wil, kan en is besig om alle haat in ons in God-liefde te omskep. Hy wat God is spesialiseer en blink uit in liefde. Hy ís liefde (1 Johannes 4:8). Hy haat wel die sonde en is regverdig en straf sonde. Maar Jesus-mense se sonde is reeds klaar gestraf, klaar, afgehandel, “finito”, einde daarvan. Hoe so? Eenvoudig: Jesus, en spesifiek Jesus sterf aan die kruis as straf vir alle Jesus-mense se volledige pakkie (eintlik groot pak) sonde. Dít is liefde, dít is haat wat verander in liefde, dít is die heel enigste manier hoe óns haat in liefde sal verander:
SLEGS in die ontdekking, besef, begryp, verstaan, snap, bewus raak ... en gepaardgaande glo, glo dat God my sonde haat, glo dat God my sonde reeds gestraf het toe Jesus vir my aan die kruis gesterf het, glo dat ek reeds vergewe is, glo dat ek nie meer in haat sal, wil, kan lewe nie!
Dan eers, dan eers kyk ek met ander oë na my vyande, dan eers ontwikkel ek ‘n totaal ander houding teenoor diegene wat sleg is en slegte goed ook aan my doen. God het my onvoorwaardelik lief, sodat ek ook ander onvoorwaardelik lief kan hê, ten spyte van wat hulle ookal ... God haat steeds die sonde, waarvan haat die kern is, en Hy sál steeds die sonde/haat straf van hulle wat nie Jesus-mense is nie. Los die vergelding en wraak vir Hom ...
... wees lief vir alle mense, want ek en jy is Jesus-mense!
Doom Charl
Wednesday, August 14, 2013
Oordenking 18 Augustus 2013
Hooftema: Jesus sê wat?
Sleutel 5: Die sleutel tot swaarkry-vir-Jesus
“Geseënd is julle wanneer die mense julle ter wille van My beledig en vervolg ...” (Matteus 5:11a)
Met die teorie/teologie vir ‘n Jesus-mens-lewe in plek, kom ons nou meer by die praktiese. En by sleutel 5 gaan dit oor ons hantering van swaarkry. En swaarkry is nie lekker nie. En swaarkry is nie so maklik om te verstaan nie. So hierdie sal nie die laaste woord oor swaarkry wees nie ...
Om hierdie moeilike saak eenvoudig te hou, gaan ek fokus op Jesus se radikale uitspraak oor swaarkry in die Saligsprekinge van Matteus 5. Om deur die veranderende werk van die Gees van God ‘n totaal-oorgegewe-volgeling van Jesus te wees, gaan ‘n definitiewe opoffering en gepaardgaande pyn tot gevolg hê. Hier is sprake van fisiese en emosionele pyn, wat dan as swaarkry beleef word. Dit beteken selfs dat indien jy geen pyn of ongerief ervaar nie, dan is jy glad nie ‘n Jesus-mens nie. Hoekom? Is dit dan só drasties? JA ... hier is slegs ‘n paar kante van Jesus-mense se swaarkry:
• Die Gees-veranderde-gedrag van Jesus-mense is presies die teenoorgestelde van die verdorwe-sondige-verlore-gaande-wêreld waarin ons is: liefde teenoor haat; rein teenoor besmet; arm teenoor ryk; sag teenoor hard; honger teenoor ooreet; beledig teenoor ophemel; waarheid teenoor valsheid ... en hierdie lys is nimmereindigend. Dis gewoon swaar vir elke Jesus-mens in hierdie wêreld ...
• Om Jesus met my hele bestaan te volg, beteken dat Hy die belangrikste is, belangriker as ekself is en belangriker is as die wêreld waarin ek is. En dít is die swaarste vir alle mense. Elkeen van ons wil graag belangrik wees en so wil die verlore-gaande-wêreld waarin ons is, ons elkeen se lewe oorneem en ten volle beheer. En waar die Gees my beheer, word ek deel van God se nuwe wêreld waar totaal ander maatstawwe geld. En dit laat ons “suffer” ...
• Al word ons nie fisies vervolg omdat ons Jesus-mense is nie, laat die Gees ons keuses maak wat ons ongewild maak. Die Gees-gedrewe-besluit om nie agter genot en “bling” van die God-lose-wêreld aan te veg nie, beteken self-prysgawe, self-kruisiging, self-loosheid, on-self-sugtigheid ter wille van ander. Jy begin gee tot jou eie skade; jy spandeer tyd ter wille van Hom; jy doen meer vir ander as vir jouself; jy praat meer oor Hom as oor jouself ... van nature swaar vir ons elkeen!
Is jy moontlik net ‘n bewonderaar van Jesus wat baie beïndruk is met Hom? Of is jy dalk ‘n leerling van Jesus wat baie graag meer van Hom wil hoor (sonder enige doen)?
Of is jy ‘n Jesus-mens wat sy pyn en jou eie pyn deur sy Genade-Gees hanteer!
Doom Charl
Sleutel 5: Die sleutel tot swaarkry-vir-Jesus
“Geseënd is julle wanneer die mense julle ter wille van My beledig en vervolg ...” (Matteus 5:11a)
Met die teorie/teologie vir ‘n Jesus-mens-lewe in plek, kom ons nou meer by die praktiese. En by sleutel 5 gaan dit oor ons hantering van swaarkry. En swaarkry is nie lekker nie. En swaarkry is nie so maklik om te verstaan nie. So hierdie sal nie die laaste woord oor swaarkry wees nie ...
Om hierdie moeilike saak eenvoudig te hou, gaan ek fokus op Jesus se radikale uitspraak oor swaarkry in die Saligsprekinge van Matteus 5. Om deur die veranderende werk van die Gees van God ‘n totaal-oorgegewe-volgeling van Jesus te wees, gaan ‘n definitiewe opoffering en gepaardgaande pyn tot gevolg hê. Hier is sprake van fisiese en emosionele pyn, wat dan as swaarkry beleef word. Dit beteken selfs dat indien jy geen pyn of ongerief ervaar nie, dan is jy glad nie ‘n Jesus-mens nie. Hoekom? Is dit dan só drasties? JA ... hier is slegs ‘n paar kante van Jesus-mense se swaarkry:
• Die Gees-veranderde-gedrag van Jesus-mense is presies die teenoorgestelde van die verdorwe-sondige-verlore-gaande-wêreld waarin ons is: liefde teenoor haat; rein teenoor besmet; arm teenoor ryk; sag teenoor hard; honger teenoor ooreet; beledig teenoor ophemel; waarheid teenoor valsheid ... en hierdie lys is nimmereindigend. Dis gewoon swaar vir elke Jesus-mens in hierdie wêreld ...
• Om Jesus met my hele bestaan te volg, beteken dat Hy die belangrikste is, belangriker as ekself is en belangriker is as die wêreld waarin ek is. En dít is die swaarste vir alle mense. Elkeen van ons wil graag belangrik wees en so wil die verlore-gaande-wêreld waarin ons is, ons elkeen se lewe oorneem en ten volle beheer. En waar die Gees my beheer, word ek deel van God se nuwe wêreld waar totaal ander maatstawwe geld. En dit laat ons “suffer” ...
• Al word ons nie fisies vervolg omdat ons Jesus-mense is nie, laat die Gees ons keuses maak wat ons ongewild maak. Die Gees-gedrewe-besluit om nie agter genot en “bling” van die God-lose-wêreld aan te veg nie, beteken self-prysgawe, self-kruisiging, self-loosheid, on-self-sugtigheid ter wille van ander. Jy begin gee tot jou eie skade; jy spandeer tyd ter wille van Hom; jy doen meer vir ander as vir jouself; jy praat meer oor Hom as oor jouself ... van nature swaar vir ons elkeen!
Is jy moontlik net ‘n bewonderaar van Jesus wat baie beïndruk is met Hom? Of is jy dalk ‘n leerling van Jesus wat baie graag meer van Hom wil hoor (sonder enige doen)?
Of is jy ‘n Jesus-mens wat sy pyn en jou eie pyn deur sy Genade-Gees hanteer!
Doom Charl
Wednesday, August 7, 2013
Oordenking 11 Augustus 2013
Oordenking 11 Augustus 2013
Hooftema: Jesus sê wat?
Sleutel 4: Die sleutel tot selfverloëning
“As iemand agter My aan wil kom, moet hy homself verloën, elke dag sy kruis dra en my volg...” (Lukas 9:23)
Ons is besig met ‘n reeks radikale uitsprake van Jesus om as Jesus-mense te leer wat dit beteken om radikaal vir Hom te lewe. Opgesom beteken die eerste drie sleutels dat ons God 100% nodig het om Jesus met volle oorgawe te volg, hiervoor gee Hy sy Gees as enigste en beste hulp om alle sonde-struikelblokke uit ons pad uit te neem.
Hier is die 3 grootste leuens oor ‘n Jesus-lewe:
• Jesus het net vir sommige mense gesterwe aan die kruis;
• Net goeie mense kan Jesus-mense wees; en
• Dit is maklik om ‘n Jesus-mens-lewe te leef.
Om die erns van hierdie leuens te besef, het elkeen van ons nodig om die waarheid (of eerder die Waarheid) te leer ken. Daar is soveel valse profete, daar is so baie valsheid selfs in die kerk en daar is so baie mense wat gereeld in die kerk kom, wat nog nie die W-/waarheid ontdek het nie. Hier is die onbevlekte, die opregte en die enigste W-/waarheid:
• Jesus is die enigste en volledige Verlosser vir alle mense;
• Slegs deur die Heilige Gees se lewens-veranderende vernuwing word Jesus-mense gered en gereining; en
• Jesus-mense lewe selfloos deur permanent met groot inspanning aan hulleself te sterwe.
Hoe sterwe Jesus-mense prakties aan onsself? ... deur alle ander mense met respek te benader; deur ander se pyn te verlig; deur eerder te gee as te ontvang; deur ander onvoorwaardelik te vergewe; deur ander se behoeftes belangriker te ag as ons eie; deur oorheersend vrygewig te wees; deur ander se opinie bo ons eie te stel; deur uit ons pad te gaan om ander te help; deur meer te luister as om te praat; deur respek te hê vir ander se goed ...
Hiervoor is nodig dat die “self” in my doodgaan; dat die eie-ek sterwe; dat selfloosheid oorneem in my lewe; dat die Gees van God meer beheer neem van my denke, woorde en dade; dat ander vir Jesus in my kan sien: dit wil God baie graag in jou en vir jou en deur jou doen! DIT IS DIE SLEUTEL TOT DIE LEWE!!!
Doom Charl
Hooftema: Jesus sê wat?
Sleutel 4: Die sleutel tot selfverloëning
“As iemand agter My aan wil kom, moet hy homself verloën, elke dag sy kruis dra en my volg...” (Lukas 9:23)
Ons is besig met ‘n reeks radikale uitsprake van Jesus om as Jesus-mense te leer wat dit beteken om radikaal vir Hom te lewe. Opgesom beteken die eerste drie sleutels dat ons God 100% nodig het om Jesus met volle oorgawe te volg, hiervoor gee Hy sy Gees as enigste en beste hulp om alle sonde-struikelblokke uit ons pad uit te neem.
Hier is die 3 grootste leuens oor ‘n Jesus-lewe:
• Jesus het net vir sommige mense gesterwe aan die kruis;
• Net goeie mense kan Jesus-mense wees; en
• Dit is maklik om ‘n Jesus-mens-lewe te leef.
Om die erns van hierdie leuens te besef, het elkeen van ons nodig om die waarheid (of eerder die Waarheid) te leer ken. Daar is soveel valse profete, daar is so baie valsheid selfs in die kerk en daar is so baie mense wat gereeld in die kerk kom, wat nog nie die W-/waarheid ontdek het nie. Hier is die onbevlekte, die opregte en die enigste W-/waarheid:
• Jesus is die enigste en volledige Verlosser vir alle mense;
• Slegs deur die Heilige Gees se lewens-veranderende vernuwing word Jesus-mense gered en gereining; en
• Jesus-mense lewe selfloos deur permanent met groot inspanning aan hulleself te sterwe.
Hoe sterwe Jesus-mense prakties aan onsself? ... deur alle ander mense met respek te benader; deur ander se pyn te verlig; deur eerder te gee as te ontvang; deur ander onvoorwaardelik te vergewe; deur ander se behoeftes belangriker te ag as ons eie; deur oorheersend vrygewig te wees; deur ander se opinie bo ons eie te stel; deur uit ons pad te gaan om ander te help; deur meer te luister as om te praat; deur respek te hê vir ander se goed ...
Hiervoor is nodig dat die “self” in my doodgaan; dat die eie-ek sterwe; dat selfloosheid oorneem in my lewe; dat die Gees van God meer beheer neem van my denke, woorde en dade; dat ander vir Jesus in my kan sien: dit wil God baie graag in jou en vir jou en deur jou doen! DIT IS DIE SLEUTEL TOT DIE LEWE!!!
Doom Charl
Subscribe to:
Comments (Atom)